What We Do

မြန်မာနိုင်ငံ၏ e-ID စနစ်အား အဆင့် (၅) ဆင့်ဖြင့် အကောင်အထည်ဖော်ဆောင်ရွက်လျက်ရှိပါသည်။ ပထမအဆင့်အနေဖြင့် Paper-based စနစ်ဖြင့် ဆောင်ရွက်ထားရှိသည့် နိုင်ငံသားများ၏ အမည်၊ အဘအမည်၊ မွေးသက္ကရာဇ်စသည့်ကိုယ်ရေးအချက်အလက်မှတ်တမ်းများအား Digital စနစ်ကိုကူးပြောင်းမှတ်တမ်းတင်သည့် Biographic Registration Process လုပ်ငန်းစဉ်ဖြစ်ပါသည်။ ဒုတိယအဆင့်အနေဖြင့် နိုင်ငံသားများ၏ ဇီဝဆိုင်ရာအချက်အလက်များဖြစ်သည့် မျက်နှာသွင်ပြင်၊ လက်(၁၀)ချောင်းလက်ဗွေနှင့် မျက်စိသူငယ်အိမ်တို့ကို ကောက်ယူခြင်း၊ စိစစ်ခြင်းနှင့် Unique ID နံပါတ်ထုတ်ပေးသည့် Biometric Enrollment & Verification and UID Process လုပ်ငန်းစဉ်ဖြစ်ပါသည်။ တတိယအဆင့်အနေဖြင့် UID နံပါတ်ထုတ်ပြီးသူများအား စမတ်ကတ်ထုတ်ပေးနိုင်ရေးအတွက် နိုင်ငံတကာစံချိန်စံညွှန်းနဲ့အညီ ကတ်အလွတ်များထုတ်လုပ်မည့်လုပ်ငန်းစဉ်ဖြစ်ပါသည်။ စတုတ္ထအဆင့်အနေဖြင့် ထုတ်လုပ်ထားသည့် ကတ်အလွတ်များထဲသို့ ကောက်ယူထားရှိပြီး ဖြစ်သည့် နိုင်ငံသားများ၏ ကိုယ်ရေးအချက်အလက်များအား ထည့်သွင်းသည့် Personalization and Activation Process လုပ်ငန်းစဉ်ဖြစ်ပါသည်။ ပဉ္စမအဆင့်အနေဖြင့် e-ID လုပ်ငန်းစဉ်ကြီးတစ်ခုလုံးအား Management and Control Process ပြုလုပ်သည့် လုပ်ငန်းစဉ်ဖြစ်ပါသည်။